أنا في آخر سنة وبدرس AI. أركز على إيه قبل التخرج عشان أجهّز لأول AI internship
أنا طالب سنة رابعة وبدرس AI. ذاكرت Machine Learning وDeep Learning، وحاليًا بشتغل على أكتر من مشروع، منهم مشروع التخرج بتاعي، وهو Legal RAG System. وفي نفس الوقت بتابع كورس Build an LLM from Scratch وكورس Mini RAG System. بحاول أكتب معظم الكود بإيدي عشان أفهمه كويس وأعرف أعدّل عليه بعدين، وبستخدم AI coding tools لما أحتاج مساعدة. وفي نفس الوقت بسمع نصايح كتير إن الأفضل أخلّي الـAI يكتب جزء أكبر من الكود، فمحتار أوازن بين الاتنين إزاي وأنا لسه بتعلم. من خبرتكم في الشغل أو التوظيف في الـAI، لو مكاني ومعاكم الوقت اللي فاضل قبل التخرج، إيه أول حاجتين هتركزوا عليهم عشان تجهّزوا لـAI internship؟ ولما بتراجعوا مشروع لطالب أو بتقابلوا حد على دور Junior AI Engineer، إيه أكتر مهارات بتدوروا عليها؟ وإيه اللي تتوقعوا إنه يعرف يكتبه بنفسه أو يشرحه ويعدّله لو استخدم AI في كتابته؟ شكرًا ليكم.